Jólaundirbúningur

Jólaundirbúningurinn hefur heldur betur verið óvenjulegur í ár. Enginn bakstur = engar smákökur, engir jólatónleikar, enginn snjór. Hér hefur hitinn verið í kringum 20° á daginn, en mjög kalt á nóttunni og morgnanna. Hér hefur ekki rignt í marga daga eða vikur, og stjörnubjart á hverju kvöldi sem er æðislegt. Hér eru húsin voða lítið skreytt miðað við heima, ég er ekkert með í herberginu mínu og það er voða lítið í húsinu sjálfu, og ekkert jólatré! 

Eina jólaskrautið á heimilinu.

Þann 7. desember fór ég í fyrsta skiptið í posada, sem er mexíkanska útgáfan af jólahlaðborði/jólaballi. Ég fór ásamt hinum sjálfboðaliðunum og starfsfólki frá Siijuve. Við borðuðum saman mexíkóskan mat, opnuðum piñata og sungum. Seinna um kvöldið fór ég með Emmu, Fabiolu og Lili til Guadalajara þar sem við fórum á tónleika ásamt Chris og Omar. Tónleikarnir voru fríir með hljómsveitinni Infected mushroom. Eftir tónleikana fórum við heim til Omars, dönsuðum og sungum til sirka 4-5 um morguninn. Skemmti mér ótrúlega vel, hef ekki sungið svona mikið síðan ég var heima, mikið sakna ég þess!

Vikan eftir það var frekar róleg, gerðum voða lítið í skólanum annað en að undirbúa jólin. Á síðasta fimmtudag fór ég til Guadalajara með fjölskyldunni um miðjan daginn. Keyrðum aðeins um, Coni fór til læknis og svo fóru þau í mollið og ég heim til Chris. Var hjá honum framá laugardag og fór þá heim með fjölskyldunni sem hafði aftur komið til Guadalajara. Á sunnudaginn fór ég í heimsókn til langömmu og langafa Chris í smá stund og eftir það á einhverskonar búgarð með Emmu, Fabiolu og vinkonum þeirra úr fótboltanum. Þar vorum við fram á kvöld. 

Þessi vika hefur verið rosalega skemmtileg. Chris var hérna frá sunnudegi þangað til um miðjan dag í gær. Svo hefur verið nóg að gera í vinnunni, sérstaklega á morgnanna. Á mánudagsmorguninn vorum við með einhverskonar general prufu fyrir næstu 2 daga. Á þriðjudagsmorguninn voru börnin mín með tónleika. Hver bekkur söng lag sem þau voru búin að æfa, hver bekkur klæddur í stíl, voða krúttlegt. 

Eftir vinnu á þriðjudagsmorgun fór ég með kennurunum mínum og starfsfólki skólans út að borða, fékk þar smá jólapakka og átti góða stund með þeim. Á miðvikudagsmorguninn var "pastorela" í skólanum, leikrit um sögu jólanna. Þar voru öll börnin með sitt hlutverk, klædd í búninga, rosa sæt. 

Í morgun var svo "posada" skólans sem er eins og ég lýsti hér fyrir ofan. Einnig vorum við með posada seinni partinn. Ég fékk gjöf frá mömmu Emily sem er stelpan í mínum bekk með Downs. Fékk rosa fallega eyrnalokka. 

Nú er ég loksins komin í jólafrí, mikið er það gott. Á eftir að sakna barnanna minna í fríinu en það er meira en nóg að gera framundan. Um helgina stefni ég að því að fara til León að hitta íslenskan vin ásamt Emmu. Verð hér á aðfangadag og jóladag með Chris og hans fjölskyldu. Annan í jólum förum við sennilega til Manzanillo í 2 daga og svo til Californiu. Tilhlökkunin fyrir næstu dögum/vikum er alveg í hámarki, svo margt skemmtilegt að gerast. 

Í gær föndraði ég við smá jólakveðju og langar að deila henni með ykkur hér þar sem ég á ekki von á að blogga meira fram að næsta ári. Hér er linkur á videoið:

https://vimeo.com/82258757

Gleðileg jól elsku fjölskylda og vinir <3

Puerto Vallerta

Þá er ég komin heim eftir bestu helgina síðan ég kom hingað. Á fimmtudaginn eftir vinnu fór ég til Guadalajara til Chris. Hann þurfti að keppa útileik á föstudaginn svo ég var bara heima, fór í Wal Mart og keypti jólaskraut og skreytti húsið aðeins. Svo fór ég í Gallerias, sem er risa stórt moll svona 30 mín í strætó frá húsinu hans. Þar er ný búið að opna bæði Forever 21 og H&M þannig ég gat eytt góðum tíma þar. Á leiðinni heim týndist ég, strætóinn skildi mig eftir á hraðbrautinni bara ekki á réttum stað og sagði mér að fara í vitlausa átt. Var týnd í svona hálftíma kannski en komst svo loksins heim! Ég vissi allan tímann sirka hvar ég væri, ég var bara komin nokkrum götum of langt, og fór svo lengra í burtu. En sem betur fer reddaðist allt :)

Á laugardagsmorguninn vöknuðum við rétt fyrir klukkan 6 og vorum komin á strætó stöðina um 7 leytið. Strætóinn til Vallerta fór klukkan hálf 8 og tók 5 klukkutíma. Jazmin vinkona sótti okkur á stöðina og fór með okkur í bæinn. Við fórum á veitingastað á ströndinni og borðuðum rosa góðan mat. Á ströndinni er endalaust fólk að reyna að selja þér eitthvað og við Jazmin fengum okkur alveg eins tattoo sem endist í 2 vikur, okkur fannst það voða fyndið. Eftir það kíktum við á bar þar sem allir drykkir voru á svona 20-30 pesos sem eru svona 200-300kr. Spiluðum þar pool og skemmtum okkur rosa vel! Um 5 leytið tjékkuðum við okkur inn á hótelið sem var sjúklega flott. Herbergið var algjört æði og útsýnið ennþá flottara. Við kíktum í sjóinn aðeins og svo í laugina. Sjórinn var heitari en sundlaugin, sem er geggjað. Svo syntum við þar með allskonar fallegum fiskum, mér fannst það frekar óþæginlegt en á sama tíma skemmtilegt. Um kvöldið borðuðum við hlaðborð sem var rosalega gott, mikið úrval og fórum svo á club þar sem var dansað til klukkan 4 um nóttina.

Sunnudagurinn var rosalega rólegur, við Chris fórum á fætur svona hálf 11, borðuðum morgunmat og kíktum í sjóinn. Eyddum öllum deginum á ströndinni og í lauginni og borðuðum á hótelinu.
Í gær vöknuðum við eld snemma og borðuðum morgunmat. Kíktum aðeins í laugina áður en við urðum að tjékka okkur út af hótelinu. Tókum svo strætó í miðbæinn þar sem við röltum á almennings ströndina. Fundum voða fínan stað þar sem við sátum lengi. Ég keypti kókoshnetu, fyrst drakk ég vatnið innan úr henni og svo var hún skorin niður fyrir mig. Ekkert betra á ströndinni. Við fórum svo á svona bananaboat sem var sjúklega gaman, ég endaði á því að detta í sjóinn sem var samt rosa gaman, enda sjórinn svo þæginlega heitur. Við borðuðum svo áður en við tókum strætóinn aftur til Guadalajara.
Ég komst loksins alla leiðina heim klukkan 1 í nótt eftir langt ferðalag.

Helgin var alveg hreint yndisleg í alla staði, við vorum auðvitað eina unga parið á staðnum. Ekkert nema eldra fólk og sennilega svona 90% ameríkanar. Okkur fannst það frekar gaman að vera innan um svona mikla ensku. Vallerta er rosalega dýr staður miðað við Ocotlán enda týbískur túristastaður.
Ég er miklu betri í maganum enda passa ég vel uppá hvað ég borða. Kvöldinu eyddi ég með Emmu og Fabiolu í miðbænum þar sem ljósin voru kveikt á jólatrénu þar. Fullt af fólki mætti með blöðrur með óskinni þeirra fyrir jólin og um leið og ljósin voru kveikt slepptu allir blöðrunum. Var frekar magnað að sjá þetta. Þessi vika verður frekar róleg, á morgun ætla ég að byrja að lesa sögu um íslensku jólasveinana fyrir börnin mín svo ég nái öllum hópunum fyrir jólafrí. Á laugardaginn er svo jólapartý hjá Siijuve og ég hlakka mikið til.

Mazamitla og fleira

Tíminn líður alltof hratt.. Finnst eins og ég hafi bloggað í gær en það eru víst komnar 3 vikur síðan.

Af mér er allt gott að frétta, ég er reyndar búin að vera með mikla magapest síðustu 2 vikur og fór loksins til læknis í dag, fékk þrennskonar lyf og þau skilaboð að ég eigi bara að sleppa því að borða á götunni og verð að passa rosalega vel hvað ég læt ofaní mig. Hóst mamma mín hefur verið rosalega dugleg að elda voða hollt ofan í mig og passar að það sé engin fita í því sem ég borða. Þetta er víst einn af þeim göllum við að flytja í svona land. Margir staðirnir á götunni mjög góðir, en kannski frekar skítugir og maður verður að passa sig rosalega vel. 

Fyrir tveim vikum fór ég í brúðkaup með Emmu, Omar og Chris. Brúðkaup eru alltaf jafn skemmtileg! Er með eitt voða skemmtilegt myndband af Omar dansa í brúðkaupinu. 

https://vimeo.com/79800277

Á sunnudagsmorguninn fórum við Chris svo til Mazamitla sem var algjört æði. Skoðuðum okkur um staðinn sem er rosalega fallegur, enda einn af Pueblos magicos hér. Við fórum svo heim á mánudagskvöldinu þar sem ég var í fríi á mánudeginum.

Á síðustu helgi var ég bara heima, ótrúlegt en satt! Fyrsta helgin í næstum 2 mánuði þar sem ég er heima. Á föstudagskvöldinu fór ég að borða með Emmu og Fabiolu. Fabiola er frá Sviss og verður hér fram að 13. desember. Svo hittum við Lili og fengum okkur ís. Chris kom svo óvænt til Ocotlán :) Við enduðum kvöldið svo öll saman á kareoke bar, og að sjálfsögðu varð ég að taka lagið. Söng samtals 3 lög, stelpurnar hjálpuðu til með tvö. Laugardeginum eyddi ég svo með Chris að mestu, seinni part dagsins hittum við Emmu og Omar og fórum að á Emmu og Fabiolu keppa í fótbolta. Um kvöldið fórum við svo á lítinn sveitabæ hér rétt hjá þar sem voru fiestas. Við dönsuðum þar fram á nótt með systrum hans Omars og frændfólki. Sunnudagurinn var svo frekar rólegur, fór með Chris til langömmu hans og langafa og við vorum þar í dágóðan tíma.

Það er nóg að gera framundan enda fer að styttast í jól. Ég er ekki enn komin í almennilegt jólastuð þar sem á daginn eru rúmlega 20°. Ég er að fýla veðrið í botn en væri samt gaman að sjá smá snjó. Á morgun fer ég til Guadalajara og svo ætlum við Chris að eyða helginni í Puerto Vallerta, strönd hérna rétt hjá, get ekki beðið!! Helgina eftir það er svo jólapartý hjá Siijuve sem verður líka rosa gaman, alltaf nóg að gera! Í fyrramálið ætlar hóst pabbi minn með mig á pósthúsið þar sem ég á pakka frá mömmu og pabba, mikið hlakka ég til að fá hann í hendurnar. Þangað til næst.

Síðustu vikurnar

Jæja, það er komið ansi langt síðan ég bloggaði og það hefur verið rosa mikið að gera hjá mér undanfarið. Hef farið í allskonar ferðalög og gert helling af skemmtilegum hlutum! Síðustu nokkrar helgar hef ég verið í Guadalajara með Chris og fleirum, alltaf voða gaman að fara þangað :) 

Fyrir tveimur vikum fór ég með Chris, Emmu og Omar til Tequila sem er frábær staður, þar sem flest allt tequila í Mexico er framleitt. Fórum í tour um Jose Cuervo verksmiðjuna og smökkuðum allt frá Tequila á byrjunarstigi og svo alveg tilbúið. Mér finnst þetta ekkert rosalega gott en gaman að taka þátt.

Á síðasta föstudag héldum við uppá Dia de los muertos í skólanum en dagurinn sjálfur var á síðasta laugardag. Um morguninn var ekkert rosalega mikið um að vera en seinnipartinn mættu allir krakkarnir í búningum og máluð í framan og við vorum með rosa fiesta sem var algjört æði. 

Eftir vinnu á föstudaginn fór ég beint til Guadalajara og við Chris og Omar ásamt vinum hans Omars fórum á tónleika með DJnum Zedd. Ég skemmti mér mjög vel, fyrstu techno tónleikarnir mínir. Á laugardaginn vorum við Chris bara í rólegheitunum. Seinnipartinn fórum við alveg niður í miðbæ Guadalajara og þar var allskonar um að vera útaf Dia de los muertos. 

Á sunnudaginn var Chris að keppa í Chapala sem er bær við vatnið. Við Omar fórum með honum og á meðan hann var að hita upp og svona röltuðum við um og Omar sýndi mér bæinn sem er mjög fallegur. Svo horfðum við á leikinn ásamt frænkum þeirra. Ég keyrði svo hingað til Ocotlán með frænkum þeirra Chris og Omar. 

Þessi vika hefur verið heldur róleg, ég fékk á þriðjudaginn pakka frá Finlandi en foreldrar hennar Emmu eru í heimsókn! Fékk svartan lakkrís, mjólkursúkkulaði, hrökkbrauð og augabrúnalit, algjör draumur! Hér er ekki hægt að lita á sér augabrúnirnar því allir eru hvort er með svo dökkar og nota ekki svona lit, bara blýanta eða tattú. Fór strax í það þegar ég kom heim að lita augabrúnirnar.

Í gær var skrýtnasta veður sem ég hef á ævi minni séð, og ég bý á Íslandi! Mér svo heitt að ég gat ekki verið í peysu í skólanum um morguninn. Svo um 3 leytið byrjaði að rigna, svo byrjaði að rigna klökum en samt frekar heitt úti. Þetta gerist víst voða sjaldan hér þannig ég var eins og krakkarnir mínir, rosalega spennt yfir þessu og við áttum erfitt með að einbeita okkur að skólanum.

Í vikunni keypti ég mér flug til Californiu og verð þar 28.desember - 7.janúar. GET.EKKI.BEÐIÐ!! Fer með Chris og við erum búin að kaupa okkur miða á tónlistarhátíð um áramótin og svo ætlar hann að sýna mér allt. Það er víst ennþá ódýrara að versla þar heldur en hér þannig kannski bíð ég bara með það, H&M er nefnilega að opna í Guadalajara um helgina og mig langar alveg rosalega að fara. Reyni að vera duglegri að blogga. Reyndi líka að halda smá dagbók og hef reynt að skrifa niður allt það merkilega sem gerist hérna en ég gleymi því voða oft. Ég þarf líka að vera duglegri að halda dagbók því tíminn líður alltof hratt. Jólin eru enn óákveðin, "foreldrarnir" þurfa að vinna í kringum jólin en okkur langar að fara í eitthvað ferðalag, það kemur í ljós seinna. Það er allavega nóg um að vera eins og alltaf.

Fiesta í skólanum :)

Í dag er dagur Sameinuðu þjóðanna og var hann haldinn hátíðlegur í skólanum mínum. Allir dagar sem eru eitthvað eru haldnir hátíðlegir í Mexico enda nýta þau hvert tilefni fyrir fiesta!

Hér er morguntörnin..

 Fínu börnin mín fengu öll eitt land og áttu að klæða sig eftir því.

Allir að syngja saman

Viljum öll heimsfrið!

Ég, kennarinn og börnin! Vildi svo skemmtilega til að ég var akkúrat með þennan hóp í morgun, var alsæl :) Hinir hóparnir voru bara að horfa á. Eftir þetta fórum við svo að læra og dagurinn hélt áfram eins og venjulega.

 Svo eftir hádegi var bara fiesta, allir krakkarnir tóku þátt, rosa skemmtilegt. Erum búin að vera að æfa lengi og allir foreldrarnir komu að horfa á og svona!

Hér er sett upp sagan af Christopher Columbus!

Þessi dönsuðu

Jorge Eduardo

Börnin úr mínum bekk að leika "Naranja dulces" 

Dafne og Nadia, báðar með Downs, stóðu sig svo vel og voru svo fínar :)

Tania Maria og Mia Judith, úr bekknum mínum!

Ég, Eloisa og bekkurinn okkar! Brittany var ekki með í dag, stelpan sem ég er mest með.

Fína Dafne!!

Svona dagar eru svo rosalega skemmtilegir, Mexicanar kunna þetta alveg! Ég tók yfir 100 myndir, á eftir að fara í gegnum þær betur, átti mjög erfitt með að velja bara nokkrar til að setja hingað inn.

Svo í kvöld liggur leiðin aftur til Guadalajara, í fyrramálið ætla ég að fara að horfa á leikinn hjá Chris, svo kemur Emma þegar hún er búin að vinna og við ætlum að versla aðeins. Á laugardaginn er stefnan sett á Tequila, hlakka mikið til :)